काठमाडाैं । म्यानचेस्टर सिटीले न्युक्यासल युनाइटेडमाथि ४-३ काे जित निकालेकाे छ । सिटीकाे जितमा फेर्रान टोरेसले ह्याट्रिक गरे । टोरेस पेप गार्डीओलाको प्रशिक्षणकालमा सिटीबाट सर्वाधिक कम उमेरमा गोल गर्ने खेलाडी पनि हुन् ।
२१ वर्ष ७५ दिनमा उनले ह्याट्रिक गरे । यसअघि ग्राबियल जेससले २१ वर्ष २ सय १८ दिनमा ह्याट्रिक गरेका थिए ।
खेलकाे अग्रता लिएकाे न्युक्यासलले जित भने निकाल्न सकेन । न्युक्यासलका लागि २५ औं मिनेटमा इमिल काफ्ट्थले गाेल गरेका थिए । त्यसपछि ३९ औं मिनेटमा जाओ क्यान्सेलोले गाेल गरी सिटीलाई बराबरीमा फर्काए । त्यसपछि टोरेसले ४२ औं मिनेटमा अग्रता दिलाए ।
इन्जुरी समयमा जोलिनटनले गोल गर्दा न्युक्यासल पुन: बराबरीमा फर्कियो । ६२ मिनेटमा जोसेफ विललकले गाेल गरी न्युक्यासललाई अगाडि बढाए । यसपछि ६४ र ६६ मिनेटमा दुई गोल गरी टोरेसले ह्याट्रिक पूरा गरे र सिटीलाई जित पनि दिलाए ।
सम्बन्धित शीर्षकहरु
