इंग्लिस प्रिमियर लिग फुटबलमा शनिबार राति घरेलु मैदानमा भएको खेलमा आर्सनलले चेल्सीलाई ३–१ ले पराजित गरेको छ । आर्सनलको जितमा एलेक्सान्ड्र लाकाजेटी, ग्रानेछ जाका र बुकायो साकाले गोल गरेका हुन् । चेल्सीका लागि ट्यामी अब्राहमले एक गोल फर्काए ।

लाकाजेटीले ३४ औँ मिनेटमा पाएको पेनाल्टीमा गोल गरेर टिमलाई सुरुवाति अग्रता दिलाएका हुन् । जाकाले ४४ औँ तथा साकाले ५६ औँ मिनेटमा गोल गरेपछि आर्सनलले ३–० को अग्रता लियो ।

८५ औँ मिनेटमा ट्यामी अब्राहमले एक गोल फर्काए ।

जितपछि १५ खेलबाट १७ अंक बनाएको आर्सनल १४ औँ स्थानमा पुगेको छ । पराजित भएको चेल्सी २५ अंकसहित सातौँ स्थानमा झरेको छ ।