इंग्लिस प्रिमियर लिग फुटबल अन्तर्गत बुधबार राति भएको खेलमा आर्सनलले नर्विच सिटीमाथि शानदार जित निकालेको छ । आर्सनलले नर्विच सिटीमाथि ४–० जित दर्ता गरेको हो ।

आर्सनलका लागि पिएर एमरिकले ३३ र ६७ औँ मिनेटमा गरी २ गोल गरे । यसैगरी ग्रानेट जाकाले ३७ औँ तथा सिड्रिक सोर्सले ८१ औँ मिनेटमा गोल गरे ।

नर्विच सिटीका गोलरक्षक टिम क्रुलको गल्तीका कारण आर्सनलले फराकिलाे जित निकालेकाे हाे । जितपछि साताैँ स्थानमा रहेकाे आर्सनलको ३२ खेलबाट ४६ अंक भएको छ भने पुछारमा रहेकाे नर्विच सिटीकाे ३२ खेलबाट २१ अंक रहेकाे छ ।