साताको अन्तिम दिन बिहीबार नेपाल स्टक एक्सचेन्ज (नेप्से) परिसूचक सामान्य वृद्धि भएको छ। नेप्से सूचक ३.१४ अंकले बढेर २,७४३.७४ विन्दुमा रोकिएको छ।
आज ३०९ कम्पनीका १ करोड ५६ लाख ३७ हजार ६ कित्ता सेयर खरिदबिक्री हुँदा कुल कारोबार रकम ८ अर्ब ६२ करोड ७६ लाख ८७ हजार ५९९ रुपैयाँ ८६ पैसा पुगेको छ। यसमध्ये नेपाल पुनर्बीमा कम्पनीको सर्वाधिक ६५ करोड ६६ लाख रुपैयाँको कारोबार भएको छ भने हिमालयन रिइन्स्योरेन्सको ३८ करोड ३७ लाख रुपैयाँको कारोबार भएको छ।
आज गार्डियन माइक्रो लाइफ इन्स्योरेन्सको सेयर मूल्य ९.९९ प्रतिशतले वृद्धि भई सबैभन्दा धेरै बढेको छ। त्यस्तै, विन नेपाल लघुवित्तको सेयर मूल्य ९.६९ प्रतिशत, अपर हेवाखोला हाइड्रोको ९.१४ प्रतिशत, र लक्ष्मी लघुवित्तको ८.२१ प्रतिशतले बढेको छ।
यता, बाराही हाइड्रोको सेयर मूल्य ८.३५ प्रतिशतले घट्दै सबैभन्दा धेरै घटेको छ। गरिमा समृद्धि योजनाको इकाई मूल्य ७.७० प्रतिशतले, भूगोल इनर्जीको ५.७८ प्रतिशतले, र दिव्यश्वरी हाइड्रोको ४.१२ प्रतिशतले घटेको छ।
उपसूचक समूहहरू मध्ये जीवन बीमा, निर्जीवन बीमा, अन्य, र ट्रेडिङ समूह मात्र बढेका छन्। ट्रेडिङ समूह ३.७७ प्रतिशतले तथा जीवन बीमा समूह २.४२ प्रतिशतले बढेको छ। उत्पादन तथा प्रशोधन समूह ०.८१ प्रतिशत तथा हाइड्रो समूह ०.७५ प्रतिशतले घटेको छ।
सम्बन्धित शीर्षकहरु
