राजस्थान रोयल्सले इन्डियन प्रिमियर लिगमा सनराइजर्स हैदराबादमाथि ५ विकेटको जित निकालेको छ । १५९ रनको लक्ष्य पछ्याएको राजस्थानले १ बल बाँकी रहँदा पाँच विकेट गुमाएर लक्ष्य पूरा गरेकाे हाे ।
राजस्थानको जितमा राहुल तेवटिया नायक बने । १५९ रनको लक्ष्य पछ्याएको राजस्थानले ७८ रन बनाउँदा ५ विकेट गुमाएर दवाबमा परेको थियो । तर राहुल तेवटिया र रियान परागले ८५ रनको अविजित साझेदारी गर्दै राजस्थानलाई जित दिलाए ।
तेबटियाले २८ बलमा ४५ रन जोड्दै नटआउट रहँदा पराग पनि २६ बलमा ४२ रन जोडर नट आउट रहे । अन्तिम २ बलमा जितका लागि २ रन आवश्यक परेका बेला परागले छक्का प्रहार गरेपछि राजस्थनले एक बल बाँकी रहँदा जित हात पार्न सफल भयो ।
यसअघि टस जितेर पहिले ब्याटिङ गरेको हैदरावादले २० ओभरमा ४ विकेट गुमाउँदै एक सय ५८ रन बनाएको थियो । त्यति राम्रो सुरुवात गर्न नसकेको हैदारावादले २३ रनमा पहिलो विकेट गुमाएकाे थियो ।
त्यसपछि दोस्रो विकेटका लागि मनिश पाण्डे र डेविड वार्नरले अर्धशतकिय साझेदारी गरे । जोनी ब्रस्टोले १६ रन बनाउँदा डेविड वार्नरले ४८ रनको योगदान गरे । यस्तै मनिश पाण्डेले ५४ रन बनाए । त्यसपछि केन विलियम्सनले २२ रनको योगदान दिएका थिए ।
सम्बन्धित शीर्षकहरु
