बुण्डेसलिगा अन्तर्गत शुक्रबार राति भएको उद्घाटन खेलमा साविक विजेता बायर्न म्युनिखले शाल्केमाथि ८-० को फराकिलो जित निकालेको छ ।
एलिनाज एरेना स्टेडियममा भएको खेलमा घरेलु टोलीले शाल्केमाथि फराकिलो गोल अन्तर निकाली लिगमा सुखद सुरुवात गरेको हो ।
बायर्नको जितमा सर्ज गनब्रीले ह्याट्रिक गर्दा लियोन गोरेटज्का, रोबर्ट लेवान्डोस्की, थोमस मुलर, लेरोए साने र जमल मुसिआलाले १/१ गोल गरे ।
पहिलो हाफमा तीन गोल गरेको बायर्न म्युनिखले दोस्रो हाफमा थप पाँच गोल गरेको हो । ८-० को यो जित बुन्डेसलिगाको उद्घाटन खेलमा भएको सबैभन्दा फराकिलो जित हो ।
सम्बन्धित शीर्षकहरु
