काठमाडौं । सत्तारुढ नेपाल कम्युनिस्ट पार्टी (नेकपा)ले उपाध्यक्ष वामदेव गौतमलाई राष्ट्रियसभामा पठाउने निर्णय गरेको छ ।
आज बसेको नेकपा सचिवालयको बैठकले राष्ट्रपतिले मनोनित गर्ने खाली एक सिटमा उपाध्यक्ष गौतमलाई राष्ट्रियसभामा मनोनयन गर्न सिफारिस गर्ने निर्णय गरेको हो ।
सचिवालय बैठक सम्पन्न भएकाे छ ।
प्रधानमन्त्री एवं पार्टी अध्यक्ष केपी शर्मा आेलीले उपाध्यक्ष वामदेव गाैतम पार्टी निर्णयअनुरूप राष्ट्रियसभा सदस्य सिफारिश हुने बैठकलाई जानकारी गराउनुयाे ।
कार्यदलकाे प्रतिवेदनमा छलफल गरी ठाेस कार्ययाेजना बनाई प्रस्ताव प्रस्तुत गरिने निर्णय भएकाे छ ।— Surya Thapa (@ThapajiSurya) September 3, 2020
यसअघि मन्त्रिपरिषद्को सिफारिसमा राष्ट्रपतिले मनोनित गर्ने राष्ट्रिय सभा सदस्यमा अर्थमन्त्री युवराज खतिवडालाई पठाउने कि गौतमलाई पठाउने भन्नेमा नेकपाभित्र विवाद थियो।
राष्ट्रपतिबाट मनोनित गर्ने एक जना राष्ट्रिय सभा सदस्य पद छ महिनादेखि रिक्त थियो।
सम्बन्धित शीर्षकहरु
