इटालियन क्लब इन्टर मिलान युरोपा लिग फुटबलको सेमिफाइनलमा प्रवेश गरेको छ ।
सोमबार राति भएको खेलमा इन्टर मिलानले बायर लेभरकुजनमाथि २–१ काे जित निकालेर अन्तिम चारमा स्थान पक्का गरेको हो ।
इन्टर मिलानको जितमा निकोलो बारेला र रामेलु लुकाकुले गोल गरे । बायर लेभरकुजनका लागि काई हाभर्ट्जले एक गोल फर्काए ।
खेलकाे १५ औँ मिनेटमा बारेलाले गोल गरी इन्टर मिलानलाई सुरुवाती अग्रता दिलाए ।
२१ औँ मिनेटमा लुकाकुले गोल गरेर अग्रता दोब्बर पारे । २४ औँ मिनेटमा हाभर्ट्जले बायरका लागि एक गोल फर्काएका थिए ।
त्यसपछि दुवै तर्फबाट गोल हुन सकेन ।
सम्बन्धित शीर्षकहरु
