इंग्लिस प्रिमियर लिग अन्तर्गत आइतबार राति भएको खेलमा जित निकालेर एस्टन भिल्लाले रेलिगेशनबाट जोगिने आश जीवित राखेको छ । एस्टन भिल्लाले क्रिष्टल प्यालेसमाथि २–० काे जित निकालेकाे हाे ।

उसका लागि दुवै गोल ट्रेजेगुएटले गरेका हुन् । जितपछि १९ औँ स्थानको एस्टन भिल्लाको ३० अंक भएको छ । क्रिष्टल प्यालेस ४२ अंकसहित १४ औँ स्थानमा छ ।

यस्तै, लिग अन्तर्गत आइतबार राति नै भएकाे अर्को खेलमा वुल्भ्सले एभर्टनमाथि ३–० काे जित निकालेकाे छ । जित निकालेको वुल्भ्स ५५ अंकसहित छैटौँ स्थानमा छ ।