गायन रियालिटी शो अमेरिकन आइडलको अडिसनबाट छानिएका नेपाली युवा दिवेश पोखरेलले अमेरिकन आइडलमा हंगामा मच्चाएका छन् । स्टेज नाम अर्थर गनबाट चिनिने दिवेशले आफ्नो प्रस्तुती दिएपछि तीनै जना जजहरु उठेर चिच्याएका थिए ।
दिवेशले गीत गाएपछि जब केटी पेरी उठेर ‘मोर…’ भनिन् त्यसपछि तीनैजना जज उठेर ‘मोर…’ भन्न थाले । दिवेशले पनि जजहरुको चाहना बमोजिम फेरि आफ्नो प्रस्तुतीकाे निरन्तरता दिए ।
दिवेशले अभिवादनस्वरुप नमस्ते भन्नासाथ दर्शकले चिच्याएर नमस्तेको जवाफ दिएका थिए । जजहरुको चाहनाबमोजिम उनले दोस्रो प्रस्तुती दिँदा तीनैजना जज उनको सम्मानमा उठेका थिए ।
दिवेश हाल अमेरिकाको क्यान्सस राज्यको विचिटामा बसोबास गर्दै आइरहेका छन् । उनी ५ वर्षअघि नेपालबाट अमेरिका गएका हुन् ।
सम्बन्धित शीर्षकहरु
