Aafno Khabar

चुनावको मुखमा नागरिकलाई सरकारको उपहार : पेट्रोल लिटरको १५५ रुपैयाँ

  • आफ्नो खबर
  • २०७८ चैत्र २ गते २२:३६ प्रकाशित

काठमाडौं । मूल्य बढाएको दुई साता नबित्दै नेपाल आयल निगमले इन्धनको मूल्य फेरी बढाएको छ ।

बुधबार दिउँसो भारतीय आयल निगमले इन्धनको मूल्य बढाएर पठाएको सूचना निकालेको निगमले मध्यराति देखि नै लागू हुने गरी इन्धनको मूल्य बढाएको हो ।

बुधबार दिउँसाे निमगले निकालेकाे सूचना

निगम सञ्चालक समितिको बुधबार बसेको बैठकले मध्यरातिदेखि लागु हुने गरी डिजेल मट्टीतेल र पेट्रोलको मूल्य प्रतिलिटर ५ रुपैयाँ बढाएको हो बढाएको छ ।

नयाँ मूल्य सूचीअनुसार अब पेट्रोल लिटरको १५५ रुपैयाँ पर्छ भने मट्टितेल र डिजेलको १३८ रुपैयाँ पर्छ ।हवाई इन्धनतर्फ आन्तरिकतर्फ १५ रुपैयाँ बढेको छ र प्रतिलिटर १५१ रुपैयाँ पुगेको छ भने अन्तराष्ट्रियतर्फ प्रति किलोलिटर २०० डलर बढेको छ । यससँर्गै प्रति किलोलिटर मूल्य १४९५ अमेरिकी डलर पुगेको छ ।

खाना पकाउने ग्लपी ग्यासको मूख्य भने बढेको छैन । यद्यपि प्रतिसिलिण्डर निगमलाई ६६५ रुपैयाँ ३४ पैसा घाटा रहेको निगमको दाबी छ ।

उसका अनुसार पेट्रोलमा प्रतिलिटर २८ रुपैयाँ ५७ पैसा, डिजेलमा ३२ रुपैयाँ १५ पैसा घाटा छ भने मट्टितेलमा प्रतिलिटर २४ रुपैयाँ ३४ पैसा नाफा छ ।

यस्तै हवाई इन्धनमा पनि नाफा छ । मूल्य समायोजनले १५ दिनको अनुमानित घाटा ५ अर्ब ३० करोडबाट घटेर ४ अर्ब ४४ करोडमा पुग्ने निगमको दाबी छ ।