Aafno Khabar
suvakamana add

यस्तो छ मंगलबारको माैसम पूर्वानुमान

  • आफ्नो खबर
  • २०७७ आश्विन २७ गते प्रकाशित

काठमाडाैं । देशका अधिकांश पहाडी क्षेत्रमा मंगलबार आंशिकदेखि सामान्य बदली हुने मौसम पूर्वानुमान महाशाखाले जनाएको छ ।

अहिले देशको पहाडी भू–भागमा आंशिक बदली रहेको छ। अरु क्षेत्रमा मौसम सामान्यतया सफा रहेको छ । मंगलबार दिउँसो प्रदेश १, बागमती र गण्डकी प्रदेशका पहाडी भू–भागमा आंशिकदेखि सामान्य बदली हुनेछ ।

देशका बाँकी भू–भागमा मौसम सामान्यतया सफा रहनेछ। प्रदेश १, बागमती र गण्डकी प्रदेशका थोरै भू–भागका केही स्थानमा हल्का वर्षाको सम्भावना रहेको पनि महाशाखाकाे बुलेटिनमा उल्लेख छ ।

मंगलबार राति पनि प्रदेश १ र गण्डकी प्रदेशका पहाडी भू–भागमा आंशिकदेखि सामान्य बदली रहनेछ ।