Aafno Khabar
suvakamana add

असोज अन्तिम साताबाट सहुलियत पसल सञ्चालन हुने

  • आफ्नो खबर
  • २०७७ आश्विन ५ गते प्रकाशित

काठमाडौं । दशैं, तिहार र छठलगायतका चाड पर्वलाई लक्षित गरेर सरकारले सञ्चालन गर्ने सहुलियत मूल्यका पसल सञ्चालन गर्ने तयारी गरिएको छ । सहुलियत मूल्यका पसल अघिल्लो वर्षभन्दा थपिने छन् ।

यस वर्ष कोभिड­–१९ का कारण भीडभाड कम गर्ने अभिप्रायले सरकारले गत वर्षभन्दा केही पसल थपेर सहुलियत मूल्य पसल सञ्चालन गर्ने तयारी गरेको जनाइएको छ । चाडपर्वमा उपभोक्तालाई थोरै भए पनि मूल्यमा राहत दिने उद्देश्यले सरकारले हरेक वर्ष यस्ता सहुलियत मूल्य पसल
सञ्चालन गर्ने गरेको छ ।

उद्योग, वाणिज्य तथा आपूर्ति मन्त्रालयअन्तर्गतका खाद्य व्यवस्था तथा व्यापार कम्पनी, साल्ट ट्रेडिङ कम्पनी र दुग्ध विकास संस्थानले सहुलियत मूल्य पसल सञ्चालन गर्ने तयारी गरिरहेका छन ।

असोजको अन्तिम साताबाट सहुलियत मूल्य पसल सञ्चालन गर्नेगरी मन्त्रालयले गृहकार्य थालेको छ ।