Aafno Khabar
Creative Ideas

राष्ट्रपति भण्डारीद्धारा जितिया पर्वको शुभकामना

  • आफ्नो खबर
  • २०७७ भाद्र २५ गते प्रकाशित

काठमाडौं। जितिया पर्वको अवशरमा राष्ट्रपति विद्यादेवी भण्डारीले शुभकामना दिनुभएको छ ।
राष्ट्रपति भण्डारीले जितिया पर्वले समतामूलक, प्रगतिशील र सभ्य समाज निर्माणमा अग्रसर हुन उत्प्रेरणा प्रदान गर्ने विश्वास व्यक्त गर्नुभयो ।

जितिया पर्व मनाउने सम्पूर्ण नेपाली दिदीबहिनीमा सुख, शान्ति, समृद्धि, सुस्वास्थ्य एवं दीर्घायुको कामना पनि उहाँले गर्नुभएको छ । जितिया पर्वको शुभकामना सन्दैश दिँदै राष्ट्रपतिले यस्ता सांस्कृतिक पर्वले परिवार र समुदायका सदस्यबीच आपसी प्रेम, विश्वास, सदभाव र सहयोगको भावनालाई प्रगाढ बनाउने बताउनुभयो ।

विविध जातजाति, भाषाभाषी, संस्कृति र भूगोलका सम्पूर्ण नेपालीबीचमा समेत परस्पर सदभाव, सहिष्णुता, समझदारी र ऐक्यबद्धताको भावनालाई सबल बनाउँदै बृहत् राष्ट्रिय एकतालाई थप सुदृढ बनाउन मद्दत पुग्ने राष्ट्रपति भण्डारीको विश्वास छ ।

जितिया पर्वले महिलाविरुद्ध थोपरिएका सबै प्रकारका विभेद, असमानता र हिंसालाई अन्त्य गर्दै समतामूलक, प्रगतिशील र सभ्य समाज निर्माण गर्ने दिशातर्फ अग्रसर हुन सबैलाई उत्प्रेरणा र उत्साह प्रदान गरोस् भनी उहाँले शुभकामना व्यक्त गर्नुभएको छ ।