काठमाडौं । काठमाडौं उपत्यकाभित्र बार अनुसार व्यापार तथा व्यवसाय सञ्चालन गर्न पाइने भएको छ ।
स्वास्थ्य सम्बन्धी मापदण्डसहित सपिङमल, फेन्सी स्टोर, कपडा पसल, जुत्ता पसल, कस्मेटिक लगायतका पसलहरु साताको सोमबार, बुधबार र शनिबार मात्र खोल्न पाइने छ ।
भाँडा र भान्साजन्य साथै सोही प्रकृतिका अन्य पसलहरु साताको आइतबार, मंगलबार र शुक्रबार मात्र खोल्न पाइने छ ।
यसैगरी फर्निचर र अटो मोबाइलसम्बन्धी पसल साताको सोमबार र बुधबार मात्र खोल्न पाइने छ ।
फुटपाथ, ठेला, स्टेसनरी, इलेक्ट्रोनिक पसल र डिपार्टमेन्ट स्टोरहरु बिहान ११ बजेसम्म र बेलुका ४ देखि ७ बजेसम्म खोल्न सकिनेछ ।
सवारी साधनमार्फतसम्बन्धी वर्कशप बिहान ८ देखि बेलुका ८ बजेम्म मात्र सञ्चालन गर्न सकिने तर स्वास्थ्य मापदण्ड अनिवार्य पालना गर्नुपर्नेछ । उद्योग, कलकारखाना सञ्चालन गर्दा कामदारहरुको खाने बस्ने व्यवस्थाका लागि अनिवार्य रुपमा उद्योग परिसरमा व्यवस्था गर्नुपर्नेछ ।
याे पनि पढ्नुहाेस् ।
सम्बन्धित शीर्षकहरु
