Aafno Khabar
Creative Ideas

राष्ट्रकवि माधव घिमिरेकाे निधन

  • आफ्नो खबर
  • २०७७ भाद्र २ गते प्रकाशित

काठमाडौं । राष्ट्रकवि माधवप्रसाद घिमिरेको निधन भएको छ । मंगलबार साँझ ५ बजेर ५५ मिनेटमा काठमाडाैंकाे लैनचाैरस्थित आफ्नै निवासमा निधन भएको पारिवारिक श्रोेतले जनाएको छ ।

घिमिरेकाे १०१ वर्षकाे उमेरमा निधन भएकाे हाे । घिमिरे वि.सं. १९७६ असोज ७ गते लमजुङकाे पुस्तुन गाउँमा जन्मिनुभएकाे हाे ।

घिमिरे स्वच्छन्दतावादी भावधारा र परिष्कारवादी शैली भएका कुशल कवि र गीतकार मानिनुहुन्थ्याे ।

घिमिरेले साहित्यमा कविता, खण्डकाब्य, गीतिनाटक, कथाजस्ता विधामा कलम चलाउनुभएकाे छ । उहाँकाे गाैरी चर्चित खण्डकाव्य हाे । उहाँका नवमञ्जरी, घामपानी, नयाँ नेपाल, किन्नर किन्नरीलगायतका कविता संग्रह रहेका छन् ।

चर्चित राष्ट्रिय गीत ‘गाउँछ गीत नेपाली’का रचनाकार घिमिरेले अन्य थुप्रै लाेकप्रिय गीतकाे पनि रचना गर्नुभएकाे छ ।

स्वच्छन्दतावादी शैलीमा कलम चलाउने घिमिरेलाई सरकारले २०६० साल असाेज ९ गते राष्ट्रकविकाे उपाधि दिएकाे थियाे ।