Aafno Khabar
creativeideas

नेपालीहरु तत्काल कुवेत जान नपाउने

  • आफ्नो खबर
  • २०७७ साउन १६ गते प्रकाशित

फाइल तस्बिर । एएफपी

काठमाडौं । कोरोना भाइरस (काेभिड १९) का कारण कुवेत जानबाट रोकिएका नेपालीहरुले तत्काल कुवेत जान नपाउने भएका छन् । कुवेतले अगस्ट १ बाट अन्तर्राष्ट्रिय उडान सुरु गर्ने भएकाे छ । तर नेपाल सहित सातवटा देशका नागरिकाहरुलाई भने कुवेत सरकारले प्रवेश नदिने भएको छ ।

कुवेत सरकारले लगाएको ‘कोरोना भाइरस ट्राभल ब्यान’ नेपालसहित भारत, फिलिपिन्स, श्रीलंका, पाकिस्तान, इरान र बंगलादेशका नागरिकहरुमा भने कायम नै रहनेछ ।

कुवेतको सेन्टर फर गभर्मेन्ट कम्युनिकेसनले ट्वीट गरी सात राष्ट्रबाहेकका नागरिकहरुलाई आवतजावतमा छुट रहने जनाएको हो ।

कुवेतले नेपालीहरुमाथि प्रतिबन्ध लगाएपछि वैदेशिक रोजगारीमा जाने नेपालीमा नकरात्मक असर पर्ने देखिएको छ । कुवेत नेपालीका लागि आकर्षक रोजगारका लागि गन्तव्य थियो ।