काठमाडौं । १२० दिन लामो लकडाउन मंगलबार मध्यरातदेखि अन्त्य हुने भएकाे छ ।
मन्त्रिपरिषद्को सोमबार बसेको बैठकले मंगलबार रातिबाट लकडाउन अन्त्य गर्ने निर्णय गरेकाे हाे ।
यसबारे मंगलबार पत्रकार सम्मेलन गरेर सरकारका प्रवक्ता एवं सञ्चार र अर्थमन्त्री डा. युवराज खतिवडाले जानकारी दिनुभएकाे हाे ।
कोरोना भाइरस (कोभिड–१९) को संक्रमण रोकथाम तथा नियन्त्रणका लागि सरकारले चैत ११ गतेदेखि देशव्यापी लकडाउन गरेको थियो ।
यी क्षेत्रमा प्रतिबन्ध कायम
सरकारले मंगलबार मध्यरातबाट लकडाउनकाे अन्त्य भएकाे घाेषणा गरेपनि केही क्षेत्रमा प्रतिबन्ध कायमै राखेको छ ।
शैक्षिक संस्था, सभा गोष्ठी, प्रदर्शन भेला र सम्मेलन, सिनेमा हल, डान्स बारलगायतका मनोरञ्जन स्थल, सैलुन, ब्यूटी पार्लर, जिमखाना, हेल्थ क्लब, समूहमा खेलिने खेल, धार्मिक स्थल, पुस्तकालय, संग्राहलयहरु र चिडिया खाना नखुल्ने बताइएकाे छ । सरकारले होटल तथा रेष्टुरेन्टहरु साउन १५ बाट खुला गर्न अनुमति दिएको छ ।
सरकारले भदाै १ गतेबाट विद्यार्थी भर्ना र परीक्षाकाे तयारी गर्न पनि अनुमति दिएकाे छ । आन्तरिक तथा अन्तराष्ट्रिय उडान र लामो दूरीका अन्तरजिल्ला का यातायात पनि भदाै १ गतेबाट खुला हुने बताइएकाे छ । यस्तै, अन्तर्राष्ट्रिय खेलका प्रशिक्षण र खेलहरु पनि भदौ १ गतेबाट गर्न सकिने जनाइएकाे छ ।
याे पनि पढ्नुहाेस् ।
भदौ १ देखि विद्यार्थी भर्ना र परीक्षाकाे तयारी सञ्चालन गर्न अनुमति
निजी सवारी साधानमा लगाइएकाे जोर विजोर प्रणाली हट्याे
साउन १५ गतेबाट होटल तथा रेष्टुरेन्टहरु सञ्चालन गर्न पाइने
सम्बन्धित शीर्षकहरु
