धादिङ । धादिङको निलकण्ठ नगरपालिका ८, ससाह ज्यामिरेमा भएको ट्रक दुर्घटनामा मृत्यु हुनेको संख्या ७ पुगेको छ भने मृतक सबैको परिचयसमेत खुलेको छ ।
मृत्यु हुनेहरुमा नीलकण्ठ नगरपालिका २, भुलभुलेका तिलकबहादुर गुरुङ, पूर्णमान श्रेष्ठ, प्रेमबहादुर गुरुङ, बिदुर गुरुङ, बलबहादुर गुरुङ, सेते गुरुङ, ध्वजबहादुर गुरुङ रहेका छन ।
दुर्घटनामा तीन जनाको घटनास्थलमै र ४ जनाको जिल्ला अस्पतालमा ल्याउँदै गर्दा मृत्यु भएको धादिङका ट्राफिक प्रहरी नीरिक्षक निरज भट्टले जानकारी दिनुभयाे ,
दुर्घटनामा घाइते भएका ३२ जनामध्ये १० जनालाई हेलिकप्टरबाट र ६ जनालाई एम्बुलेन्सबाट काठमाण्डौको ट्रमा सेन्टरमा पठाइएको छ ।
धादिङको ज्वालामुखी गाउँपालिका ४, ढोलामण्डलीको दर्शन गरेर फर्किँदै गरेका यात्रु बोकेको ग १ ख ८०१२ नम्बरको ट्रक दुर्घटना भएको थियो । घाइते भएकामध्ये बाँकी सबैको जिल्ला अस्पतालमा उपचार भइरहेको छ ।
सम्बन्धित शीर्षकहरु
