काठमाडाैं । पछिल्लो २४ घण्टामा थप ८३०५ जनामा कोरोनाभाइरस संक्रमण पुष्टि भएको छ । यही अवधिमा १९० जनाको काेराेना भाइरसका कारण ज्यान गएकाे स्वास्थ्य तथा जनसंख्या मन्त्रालयले जनाएको छ ।
२२ हजार ८७ जनामा कोरोना परीक्षण गर्दा उक्त संख्यामा संक्रमित फेला परेका हुन् ।
पछिल्लो २४ घण्टामा ६ हजार ५४३ जना संक्रमणमुक्त भएका छन् । देशभर कोरोना निको हुनेको संख्या ३ लाख ६६ हजार ९४६ पुगेको छ ।
काराेना भाइरस संक्रमणका कारण नेपालमा हालसम्म ५ हजार ८४७ जनाले ज्यान गुमाइसकेका छन् । मन्त्रालयका अनुसार अहिले देशभर सक्रिय संक्रमित १ लाख १५ हजार ८५२ रहेकाे जनाएको छ ।
सम्बन्धित शीर्षकहरु
