प्रतिकात्मक तस्बिर ।
बैतडी । बैतडीका २ जना शिक्षकमाथि आफ्नै विद्यालयमा अध्ययनरत एक छात्रा बलात्कार गरी गर्भवती बनाएको आरोप लागेको छ । जिल्लाको दुुर्गम सिगास गाउँपालिकाका शिक्षकमाथि बलात्कारकाे आराेप लागेकाे हाे ।
पीडित किशोरी बलात्कापछि अरुसँग भागेर बिहे गरेको र ६ महिनामा छोरी जन्मिएपछि बलात्कार गरेको दाबी गरिएकाे छ ।
सिगासको एक विद्यालयमा कक्षा ८ मा अध्ययनरत १७ वर्षीया ती छात्रालाई विद्यालयमा पढाउने २ जना शिक्षक अर्का एक स्थानीयले बलात्कार गरेको आरोप लागेको हो ।
तीनै जनाले ती छात्रामाथि पटकपटक बलात्कार गरेपछि भागेर बिहे गर्न बाध्य भएकाे छात्राका आफन्तले आरोप लगाएका छन् । घटना गाउँमा मिलाउने प्रयास भइरहे पनि घटना बाहिर आएकाे छ ।
जिल्ला प्रहरी कार्यालयका प्रमुख प्रहरी नायब उपरीक्षक नारायणप्रसाद अधिकारीले पीडित किशोरी जिल्ला सदरमुकाममा ल्याउने तयारी भएको र किशोरीसँगको बयानपछि मात्रै घटनाका बारेमा थाहा हुने जानकारी दिनुभएकाे छ ।
सम्बन्धित शीर्षकहरु
