अमेरिका । डाक्टरले मृत घोषणा गरिसकेकी युवतीले शवगृहमा पुर्‍याएपछि आँखा खोलेकी छन् । अमेरिकाको डिट्रोयटमा मृत घाेषणा गरिएकी २० वर्षीया टिमिशा बेउचाम्पले आँखा खोलेकी डेली मेल अनलाइनले उल्लेख गरेकाे छ ।

टिमिशा आइतबार अचेत अवस्थामा पुगेकी थिइन् । उनलाई जाँच्न चिकित्सकको टोली उनको घरमा पुगेको थियो । डाक्टरहरूले उनलाई ३० मिनेटसम्म उठाउने प्रयास गरेका थिए र पछि इमर्जेन्सी डाक्टरहरूसँग पनि सल्लाह गरेका थिए ।

सबैकाे सल्लाह अनुसार नै मेडिकल टिमले उनलाई मृत घोषणा गरेको थियो ।

त्यसपछि परिवारका सदस्यले उनलाई शवगृह पुर्‍याएका थिए । शवदाह गृहमा पुर्‍याइएपछि त्यहाँका कर्मचारीहरुले उनले सास फेरिरहेकाे थाहा पाएका थिए । त्यसपछि उनलाई फेरि अस्पताल भर्ना गरिएकाे छ ।