चैत । बाराको यातायात व्यवस्था कार्यालयमा व्यापक अनियमितता र गैरकानुनी असुलीको धन्दा चलिरहेको छ। गौर यातायात कार्यालयमा रहँदा अनियमितता मच्चाएका अरबिन्द दास अहिले बाराको यातायात कार्यालयमा पुनः सक्रिय भएका छन्। स्थानीय नागरिकहरू र समाचार स्रोतहरूका अनुसार, दासले यातायात कार्यालयमा सेटिङ मिलाएर गैरकानुनी रूपमा रकम असुल्ने र लाइसेन्स वितरण गर्ने कार्यलाई निरन्तरता दिइरहेका छन्।

गौरमा अनियमितता, बारामा पुनः दोहोर्याइयो

गौर कार्यालयमा कार्यरत रहँदा दासले आफ्ना नातेदारहरूलाई बिचौलियाको रूपमा राखी सर्वसाधारणबाट गैरकानुनी रूपमा रकम उठाउँदै आएका थिए। उनले चितवन, नारायणघाट, मकवानपुरलगायतका स्थानका सर्वसाधारणसँग प्रतिव्यक्ति १० हजार रुपैयाँ लिएर लाइसेन्स वितरण गरेको खुलासा भएपछि प्रदेश यातायात मन्त्रालयले उनलाई मन्त्रालयमा तानेको थियो। तर, केही समय नबित्दै, दासले मन्त्रालयका उच्च अधिकारीहरूलाhttps://app.ambition.guru/webinars/1741178590ई घूस बुझाएर पुनः बाराको यातायात कार्यालयमा नियुक्ति पाएको देखिन्छ।

अवैध लाइसेन्स वितरणको निरन्तरता

हाल पनि दासले ट्रायल तथा लिखित परीक्षा पास गर्न नसकेका व्यक्तिहरूबाट मोटो रकम लिई गैरकानुनी रूपमा लाइसेन्स वितरण गरिरहेका छन्। उनले पुनः आफ्ना नातेदारलाई कार्यालयमा राखी सेटिङ मिलाएर यो अनियमितता जारी राखेका छन्। यो कार्यले गर्दा इमानदार तथा योग्य नागरिकहरू अन्यायमा परिरहेका छन् भने, कानुनी प्रक्रिया मिचेर लाइसेन्स पाउने प्रवृत्ति मौलाउँदै गएको छ।

स्थानीयको माग : तत्काल छानबिन र कारबाही होस्

स्थानीय बासिन्दाहरूले बाराका प्रमुख जिल्ला अधिकारी बसन्त अधिकारीलाई यस विषयमा चासो राख्न अनुरोध गरेका छन्। केही समय अघि तस्करीको सूचना पाएपछि आफैं फिल्डमा गएर तस्कर पक्राउ गर्न सफल भएका प्रमुख जिल्ला अधिकारी अब यातायात कार्यालयमा भइरहेको भ्रष्टाचार र अनियमितताको छानबिन गर्नुपर्ने माग स्थानीयहरूले गरेका छन्। यदि सम्बन्धित निकायले तुरुन्त कारबाही नगरेको खण्डमा, यातायात कार्यालयमा व्याप्त अनियमितता अझ बढ्ने खतरा छ।
बाराको यातायात कार्यालयमा भइरहेको यो अनियमितता सधैंभरि लुकाउन सकिने विषय होइन। सरकारका सम्बन्धित निकायहरूले तत्काल हस्तक्षेप नगरेमा सर्वसाधारण नागरिकहरू थप अन्यायमा पर्नेछन्। कानुनी राज्यको अवधारणालाई मजबुत बनाउन तथा भ्रष्टाचारमुक्त प्रशासन सुनिश्चित गर्न, यथाशीघ्र प्रभावकारी छानबिन तथा कारबाहीको आवश्यक छ।