Aafno Khabar

सुन महँगिँदै, साताको पहिलो दिन नै नयाँ कीर्तिमान

  • आफ्नो खबर
  • March 30, 2025 प्रकाशित

काठमाडौं — साताको पहिलो कारोबार दिन आइतबार सुनको मूल्यले नयाँ कीर्तिमान बनाएको छ। नेपाल सुनचाँदी व्यवसायी महासङ्घका अनुसार शुक्रबार प्रतितोला १ लाख ७६ हजार २०० रुपैयाँमा कारोबार भएको सुन आइतबार ६०० रुपैयाँले बढेर १ लाख ७६ हजार ८०० रुपैयाँ पुगेको छ।

त्यस्तै, चाँदीको मूल्यमा भने केही गिरावट आएको छ। शुक्रबार तोलाको २ हजार ४० रुपैयाँमा कारोबार भएको चाँदी आइतबार १५ रुपैयाँले घटेर २ हजार २५ रुपैयाँमा झरेको महासंघले जनाएको छ।