काठमाडौं – नेपाली युवायुवतीले जापानमा भोग्नुपरेका घटनालाई आधार बनाएर तयार पारिएको नयाँ गीत आलाराम दर्शकमाझ लोकप्रिय बन्दै गएको छ। गीत सार्वजनिक भएलगत्तै चौतर्फी चर्चा भइरहेको छ।
यस गीतमा नेपालबाट रोजगारीका लागि जापान जाने नेपालीहरूले भोग्ने कथालाई विषयवस्तु बनाइएको छ। सीमा नेपालीको सुमधुर स्वर रहेको गीतमा प्रेम सापकोटाले लय तथा शब्द सिर्जना गरेका छन्। गीतको सबैभन्दा बलियो पक्ष यसको सशक्त शब्दहरू हुन्, जसलाई मिठासपूर्ण लयले थप सुन्दर बनाएको छ।
तेजेन्द्र भण्डारीको निर्देशनमा जापानमै छायाङ्कन गरिएको म्युजिक भिडियो दर्शकमाझ निकै रुचाइएको छ। भिडियोमा कल्पना क्षेत्रीले मनमोहक अभिनय गरेकी छन्, साथै उनी यस गीतकी निर्माता पनि हुन्। आलाराम गीत कल्पना क्षेत्रीको युट्युब च्यानलमार्फत सार्वजनिक गरिएकोछ।
सम्बन्धित शीर्षकहरु
