आइतबार नेपाल स्टक एक्सचेञ्ज (नेप्से) परिसूचक १९.५६ अंकले बढेर २,६९८ विन्दुमा पुगेको छ। ०.७३ प्रतिशतको वृद्धिसँगै आज ९ अर्ब ४७ करोड रुपैयाँभन्दा बढीको कारोबार भएको छ। १७६ कम्पनीको सेयर मूल्य बढ्दा ६३ कम्पनीको घटेको छ भने ४ कम्पनी स्थिर रहे।
३०९ कम्पनीको कारोबार भएको बजारमा ९६ हजार २८२ पटक किनबेच भयो। समग्रमा हरियाली देखिए पनि म्युचुअल फन्ड ०.११ प्रतिशत र निर्जीवन बीमा समूह १.२८ प्रतिशतले घटे।
बजारमा सबैभन्दा धेरै फाइनान्स समूह ४.९४ प्रतिशतले उकालो लाग्दा विकास बैंक समूह सबैभन्दा कम ०.०८ प्रतिशतले बढ्यो। वाणिज्य बैंक ०.९८, होटल तथा पर्यटन १.९५, हाइड्रोपावर ०.३६, लगानी १.१७, जीवन बीमा ०.३९, उत्पादन तथा प्रशोधन ०.२०, लघुवित्त १.८६, अन्य ०.३८ र ट्रेडिङ समूह ०.२५ प्रतिशतले वृद्धि भएको छ।
सम्बन्धित शीर्षकहरु
