Aafno Khabar
babasaik siksa

तुलसीपुरमा एमाले उम्मेदवारले बढाए अग्रता

  • आफ्नो खबर
  • २०७९ जेष्ठ ९ गते २२:०६ प्रकाशित

दाङ । दाङको तुलसीपुर उपमहानगर पालिकामा मतगणना जारी छ । वैशाख ३० मा सम्मपन्न स्थानीय तहको जारी मतगणनामा एमाले उम्मेदवारले अग्रता कायम राखेका छन् ।

५५ हजार १७२ मत गणना हुँदा एमाले उम्मेदवार टिकाराम खड्काले २३ हजार २१३ मत पाएका छन् भने कांग्रेस उम्मेदवार गेहेन्द्र गिरीले २१ हजार ५९८ मत पाएका छन् । उनीहरुबीचमा १६१५ मतको अन्तर रहेको छ ।

त्यस्तै उपमेयरमा नेकपा एमालेकी स्यानी चौधरीले २२७८९ मत पाउँदा एकीकृत समाजवादीका उम्मेदवार जोगबहादुर राणाले १६११९ मत पाएका छन् ।

यता, स्थानीय तह निर्वाचन २०७९को दाङमा स्थानीय तहको मतपरिणाम सार्वजनिक अन्तिम चरणमा पुगेको छ । नौ स्थानीय तहको नजिता सार्वजनिक भइसकेको छ भने एक स्थानीय तहको मतगणना जारी रहेको छ । दाङमा काग्रेस पहिलो शक्ति बनेको छ ।

जिल्लामा सार्वजनिक भएको नजिता अनुसार जिल्ला समन्यन समितिमा नेपाली काँग्रेसको सतप्रतिसत प्रतिनिधित्व हुने देखिएको छ । १० स्थानीय तहमा काग्रेस जिल्लामा पहिलो बन्दै अहिलेसम्म १२ जना प्रमुख/उपप्रमुख जितेको छ ।

१२ प्रतिनिधि जितेको काग्रेस समन्वय समिति गठनका लागि प्रष्ट बुहमत देखाएको छ । तुलसीपुर उपमहानगरपालिकाको अन्तिम मतपरिनाण आउन बाँकी रहदै काँग्रेस जिल्लामा स्पष्ट बहुमतमा देखिएको हो । र पहिलो शक्तिको रुपमा कम्ब्याक भएको छ ।

काग्रेसले एकल रुपमा निर्वाचनमा गएर बबई गाउँपालिकामा अध्यक्ष उपाध्यक्ष, शान्तिनगर गाउँपालिकामा अध्यक्ष÷उपाध्यक्ष, दंगीशरण गाउँपालिकामा अध्यक्ष/ उपाध्यक्ष, राजपुर गाउँपालिकामा अध्यक्ष÷उपाध्यक्ष, लमही नगरपालिकामा नगरप्रमुख/उपप्रमुख जितेको छ । त्यसै बंगलाचुली गाउँपालिकामा उपाध्यक्ष र गढवा गाउँपालिकामा उपाध्यक्ष जितेर नेपाली काँग्रेस दाङमा बहुमतमा देखिएको हो ।

माओवादी केन्द्रले तीन स्थानीय तहमा प्रमुख जितेको छ । बंगलाचुली गाउँपालिकामा अध्यक्ष, राप्ती गाउँपालिकामा अध्यक्ष र गढवा गाउँपालिकामा अध्यक्षमा जितेको छ । त्यसै गरेर नेकपा एमालेले घोराही उपमहानगरपालिका प्रमुख उपप्रमुख र राप्ती गाउँपालिकामा उपाध्यक्ष जितेको छ ।

यसरी हेदौ पनि एमाले माओवदी एक ठाउँमा जादा समेत काग्रेस दाङमा पालिकामा बहुमतमा देखिएको छ । तुलसीपुर उपमहानगरपालिकामा भने मतगणण जारी रहेके छ । यहाँ दुबै पदमा एमालेका उम्मेदवार अगाडी देखिएका छन ।

जिल्लामा निर्वाचनमा जादा माओवादी, काग्रेसल लगायतको तीन स्थानीय तहमा गठबन्धन गरेका थिए । बंगला चुली बाहेकका स्थाननमा गठबन्धनले जित्न सकेन । माओवादी राजमो, एकिकृत समाजवादीले राप्ती गाउँपालिका र गढवा गाउँपालिकामा चुनावी गठबन्धन गरेका थिए ।

त्यँहा प्रमुख माओवादीले जितेको छ भने गठबन्धनको उपाध्यक्षले पराजित भएको छ । अन्य पालिकामा भने सबै राजनीतिक दल एकल रुपमा निर्वाचनमा गएको देखिन्छ ।

नेपाली काग्रेस दाङका सभापति शंकरप्रसाद डाँगीले जिल्लामा काग्रेसको स्पष्ट बहुमत देखिएको भए पनि समन्वय समितिको विषयमा छलफल नभएको बताए । उनले तुलसीपुर उपमहानगरपालिकाको नतिजा आइ सकेपछि निर्णय लिइने बताए ।

अहिले यो विषयमा छलफल नभएको डाँगीले बताए । उनले गठबन्धको जिल्लाको अवस्था र केन्द्रको निर्देशन अनुसार जिल्लामा निर्णय लिइने बताए । उनले समन्वय समितिका छलफल गरेरका टुङगोमा लगाउने र कसरी जाने भन्ने पनि २/३ दिन पछि मात्रै थाहा हुने बताए । जितेको हैसियत अनुसार पदीय जिम्मेवारी समन्वयमा हुन सकने संकेत सभापति डाँगीले गरे ।

माओवादी केन्द्रका जिल्ला सह इन्चार्ज निर्मल आचार्यले समन्वय समितिको लागि काँग्रेस सविधा युक्त बहुमतमा रहेको आफनो दावी नरहेको बताए । उनले काग्रेसले भूमिकाले र निर्णयले गठबन्धनको समन्वयमा सहभागिता जोडने बताए ।

काग्रेसले समेटन खोजेमा हामी तयार छौ, उनले भने, काग्रेस एक्लै जान खोजे उसंग सुविधाजनक बहुमत छ, हामीले दावी गर्ने ठाउँ छैन । सामान्य यो विषयमा छलफल भएको तर उपमहानगरको नतिजा नआउँदा सम्ममा निर्णय नहुने उनले बताए । उनले जीतको आधारमा सहभागिता हुने अवस्था आउने र गठबन्धन नटुटने जिकिर गरे ।

केन्द्रको नीति अनुसार जिल्लामा गठबन्धन कायम रहने विश्वास राखिएको छ । भने एमाले एक्लै जाने देखिन्छ । जिल्ला समन्वय समितिको निर्वाचनमा २० मत रहेको छ ।

त्यसमा १२ काग्रेसले जितिसकेको छ । भने माओवादी केनद्रले ३ र एमालेले ३ जिति सकेको अवस्थगा छ । तुलसीपुरको दुई पदमा मतगणना जारी रहेको छ । अन्तिम परिणाम आएको छैन ।