Aafno Khabar
sanima bank

फाइनल प्रवेशका लागि नेपाल बंगलादेशसँग भिड्दै

  • आफ्नो खबर
  • २०७८ आश्विन २७ गते १३:०२ प्रकाशित

काठमाडौं । माल्दिभ्समा भइरहेकाे साफ च्याम्पियनसिप अन्तर्गत लिग चरणको अन्तिम खेलमा नेपालले आज बंगलादेशसँग खेल्दैछ । खेल नेपाली समय अनुसार साँझ पौने ५ बजे  सुरु हुनेछ ।

आजको खेलमा बराबरी मात्रै गरे पनि नेपाल फाइनलमा पुगेर इतिहास रच्ने अवसर छ । प्रिम्याच कन्फ्रेन्समा बोल्दै सहायक प्रशिक्षक किरण श्रेष्ठले नेपाललाई इतिहास रच्ने मौका र विश्वास रहेको बताएका थिए ।

नेपाल र बंगलादेश फुटबल इतिहासमा २२ पटक आमनेसामने खेल भएका छन् । तीमध्ये १३ खेलमा बंगलादेश र ७ खेलमा नेपाल विजयी भएको छ । दुई खेल बराबरीमा सिकएकाे छ ।

साफ च्याम्पियनशीपमा नेपाल र बंगलादेश सातपटक आमनेसामने भएका छन् । जसमा नेपालले तीनपटक र बंगलादेशले चारपटक जीत हासिल गरेका छन् ।