गुजरातको बनासकाँठा जिल्लाको डीसास्थित एउटा पटाका कारखाना र गोदाममा मंगलबार भीषण आगलागी भएको छ। यस घटनामा कम्तीमा २१ जनाले ज्यान गुमाएका छन्।

बनासकाँठाका प्रमुख जिल्ला अधिकारी ९कलेक्टर० मिहिर पटेलका अनुसार हालसम्म १९ जनाको पहिचान भइसकेको छ। बाँकी मृतकको पहिचानका लागि डीएनए परीक्षणको सहारा लिइँदैछ भने पोष्टमार्टम प्रक्रिया पनि जारी रहेको छ।

कलेक्टर पटेलले भने, ूमृत्यु हुनेहरू मध्य प्रदेशको हरदा जिल्लाका हुन् र त्यहाँको स्थानीय प्रशासनसँग हाम्रो निरन्तर सम्पर्कमा छ। मध्य प्रदेशका अधिकारीहरू गुजरात आइरहेका छन्।ू

अधिकारकाअनुसार विस्फोट बिहान करिब ९स्४५ बजे भएको थियो। विस्फोटको कारण कारखानाको स्ल्याब भत्किएको थियो, जसले गर्दा त्यहाँ कार्यरत मजदुरहरूका परिवारसमेत सोही भग्नावशेषमा पुरिएका थिए। चार जना घाइते भएका छन्, जसमध्ये दुई जनालाई पालनपुर सिभिल अस्पताल र दुई जनालाई डीसा सिभिल अस्पताल पठाइएको छ।

शुरुआती अनुसन्धानअनुसार विस्फोटको बेला पटाका बनाउने कार्य भइरहेको थियो। अहिलेसम्म केही व्यक्ति भग्नावशेषमा फसेको आशंका गरिएको छ, जसले मृतकको संख्या अझै बढ्न सक्ने सम्भावना रहेको छ।

अनुमानअनुसार पटाका कारखानाको बयलर विस्फोट हुँदा ठूलो विस्फोट भएको थियो, जसले गर्दा कारखानाका पर्खालहरू ढलेका थिए। घटनापछि क्षेत्रमा अफरातफरी मच्चिएको थियो भने मजदुरका आफन्तहरू शोकमा परेका थिए।

हालसम्म घटनाको समयमा कति मजदुर कारखानामा थिए भन्ने आधिकारिक जानकारी प्राप्त भएको छैन। साथै, सुरक्षाका लागि के(कस्ता उपायहरू अपनाइएको थियो भन्ने विषयमा पनि स्पष्ट जानकारी आएको छैन।

गुजराती बीबीसीका पत्रकार भार्गव पारिखका अनुसार गुजरातका उद्योग मन्त्री बलवन्तसिंह राजपूतले भने, ूयो अत्यन्तै दुस्खद घटना हो। घाइतेहरूलाई आवश्यक सबै उपचार उपलब्ध गराउने व्यवस्था गरिएको छ।ू

उनले थपे, ूछानबिनपछि दोषीमाथि कडा कारबाही गरिनेछ।ू मन्त्री राजपूतले साँझसम्म घटनासम्बन्धी विस्तृत प्रतिवेदन पेश गर्ने जनाइएको छ।