काठमाडौं । नेपाल विद्युत प्राधिकरणले शनिबार राजधानी काठमाडौंका विभिन्न स्थानमा विद्युत कटौती गर्ने भएको छ ।
प्राधिकरणका अनुसार बानेश्वर सबस्टेशनमा आवश्यक मर्मत गर्नु पर्ने भएकाले शनिबार मध्याह्न १२ बजेदेखि २ बजेसम्म विद्युत कटौती हुनेछ । यो सबस्टेशनबाट बिस्तारित धोबिखोला, बागमती, कोटेश्वर, बानेश्वर, पूरानो एयरपोर्ट, लुभूलगायतका स्थानमा विद्युत कटौती हुने भएको छ ।
प्राधिकरणले विद्युत कटौती हुँदा पर्ने असुविधाप्रति उपभोक्तामा क्षमा माग्दै निर्धारित कार्य समय अगावै सकिएको खण्डमा विद्युत प्रवाहसमेत हुनसक्ने जनाएको छ ।
सम्बन्धित शीर्षकहरु
