काठमाडौं । साझा पार्टीका केन्द्रीय सदस्य तथा कोष संकलन विभाग प्रमुख मानवी पौडेल र अर्का केन्द्रीय सदस्य सिद्धि अर्यालले पार्टी छाडेका छन् । उनीहरु पार्टीको साधारण सदस्यसमेत नरहने गरी पार्टीबाट अलग भएका हुन् ।

साझा पार्टीको केन्द्रीय सदस्य र साधारण सदस्यबाट अलग हुने निर्णय गरेको छु। पार्टीको संस्थापन काल देखिको राजनीतिक यात्रा मेरो जीवनको अविस्मरणीय कालखण्ड रहने छ। पार्टीमा रहँदाका सदस्य, सहकर्मी साथिहरू र अग्रज नेताहरू सबैमा सहयोग र मार्गनिर्देशका लागि हार्दिक आभार व्यक्त गर्दछु। pic.twitter.com/UPtIpoPydJ

— Manavi Paudel (@ManaviPaudel) October 9, 2020

दुबै जनाले सामाजिक सञ्जाल ट्वीटरमार्फत साझा पार्टीबाट अलग भएको जानकारी गराएका छन् ।

पुनर्गठित समितिलाई मेरो हृदयदेखी शुभकामना छ! तपाईंहरुसंग विधिले निर्दिष्ट गर्ने राजनीतिको यात्रामा केन्द्रिय सदस्यका रुपमा थोरै समय काम गर्दा संगालेका अनुभव सदैव मेरा सम्झनामा रहनेछन्।परिस्थितिवश भौगोलिक रूपमा हालसंगै नरहेपनि संगठित विकल्पकालागि मबाट हुन सक्ने सहयोग गरीनै रहनेछु। https://t.co/YdQ26CQZtP pic.twitter.com/ZJ8cZOviZJ

— Siddhi Aryal (@SiddhiAryal) October 8, 2020