Aafno Khabar
suvakamana add

प्रियंकाको आक्रोश : ‘हामीले हाम्रा महिलाहरुका लागि केही पनि गर्न सकेनौँ’

  • एजेन्सी
  • २०७७ आश्विन १७ गते प्रकाशित

भारतमा दैनिक भैरहेको बलात्कारको घटनामा नायिका प्रियंका चोपडाले आक्रोश व्यक्त गरेकी छिन् ।

उत्तर प्रदेशको हाथरसपछि यही राज्यको बलरामपुरमा २२ बर्षिया यूवतीमाथि सामूहिक बलात्कार भएको थियो । नायिका चोपडाले सामाजिक संजालमा लेखेकी छिन् –‘बलरामपुरबाट अझै डरलाग्दो खबर आएको छ । हरेक बलात्कार मात्र दोश्रो नम्बर होइन । यसको पछि सिंगो परिवार हुन्छ, जसलाई सधैँ डराएर बाँच्नुपर्ने हुन्छ । हामी सबैले यो क्रुरतापूर्ण घटनाका लागि लाजले आफ्नो शिर झुकाउनु पर्दछ कि हामीले हाम्रा महिलाहरुका लागि केही पनि गर्न सकेनौँ ।’

नायिका चोपडाले हाथरसमा भएको सामुहिक बलात्कारको घटनामा पनि आक्रोश व्यक्त गरेकी थिइन् । उनले लेखेकी थिइन् –‘यस्तो क्रुर घटना बारम्बार किन ? सधै महिला, यूवतीहरुमाथि बलात्कार भैरहन्छ । हामी यो सुनेर रुन्छौ, उनीहरु रुन्छन् तर पनि कसैले यो आवाज किन सुन्दैन । यति धेरै घृणा किन ? के बाबु–आमा छोरालाई गलत संकारमा हुर्काइरहेका छन् । अझै कति निर्भया ? अझै कति बर्ष ?’