बीबीसी। बेलायतकी स्वास्थ्यमन्त्री नादिन डोरिसलाई कोरोनाभाइरसको संक्रमण देखिएकाे छ । संक्रमणपछि उनी आफ्नै घरको आइसोलेसनमा छिन् ।
कन्जरभेटिभ पार्टीकी सांसद्समेत रहेकी स्वास्थ्यमन्त्री डोरिस स्वयंले आफूलाई कोरोनाभाइरस पुष्टि भएको बताएकी हुन् । डोरिस कोरोनाभाइरसको संक्रमण भेटिने पहिलो बेलायती सांसद् हुन् ।
बीबीसीका अनुसार, आवश्यक सल्लाहपछि उनी निजी घरको आइसोलेसनमा रहेको बताएकी छन् । उनले पछिल्लो समय आफूले भेटघाट गरेका मानिसहरुको पहिचान गर्न सुरु गरिएको जानकारी पनि दिएकी छन् । ६२ वर्षीया मन्त्री डोरिसको करियर नर्सबाट सुरु भएको थियो ।
चीन उद्गम भएर फैलिएको कोरोना बेलायतमा पनि फैलँदो अवस्थामा छ । यहाँ अहिलेसम्म कोरोना संक्रमणका कारण ६ जनाको मृत्यु भइसकेको छ ।
सम्बन्धित शीर्षकहरु
