Aafno Khabar

इजिप्टको विश्वकप अनुभव

  • मोहम्मद ए एलएरियन
  • २०७५ असार १७ गते ०१:१९ प्रकाशित

सलाहा घाइते भइसकेपछि आफ्ना अन्य सबल पक्ष परिचालन गर्न इजिप्ट असफल भयो । बरु, खेलका सबै योजना सलाहालाई मात्र केन्द्रमा राखेर बनाइयो ।

व्यापक अपेक्षा र खेलप्रेमीको अपार उत्साहबीच इजिप्टको राष्ट्रिय फुटबल टोलीले २८ वर्षपछि पहिलोपटक विश्वकप खेल्न रुसको बाटो तय ग-यो । तर, समूह चरणका सबै खेलमा पराजय भोगेसँगै यो फुटबल टोली घर फर्किएको छ ।

फुटबल र राष्ट्रिय गौरवलाई अत्यन्तै गम्भीरतासाथ लिने इजिप्टमा अहिले विश्वकपको पराजयलाई लिएर आरोप–प्रत्यारोपको खेल सुरु भएको छ, जुन खेलबाट कोही पनि सुरक्षित हुन सक्दैन ।

मोहम्मद ए एलएरियन

इजिप्टका खेलबाट सिकेको पाठले इजिप्टका साथै अन्य उदीयमान अर्थतन्त्रले पनि फुटबलमा मात्र होइन, अन्य सम्भावना पूरा गर्ने बाटो खुल्नेछ । आकांक्षालाई व्यवस्थित गर्नुपर्छ भन्ने पहिलो पाठ सिक्न सकिन्छ ।

इजिप्टको विश्वकप यात्रा अत्यधिक प्रशंसा पाएका स्टार खेलाडी मोहम्मद सलाहामा निर्भर थियो । सलाहा सन् २०१७/०१८ मा इंग्लिस फुटबलका दुईपटक सर्वोत्कृष्ट खेलाडी बने । त्यसैले, दसौँ लाख इजिप्सियन खेलप्रेमीका लागि उनी आदर्श खेलाडी तथा आशाका केन्द्र बने ।

घाइते भएकाले पनि सल्लाहले खेल्न सकेका थिएनन् । तर, इजिप्सियनहरू अझै पनि अत्यधिक आशावादी बन्दा झनै बढी निराश बन्नुप-यो ।

विविधताका लागि आफ्नो सबल पक्षको फाइदा उठाउन सक्नुपर्छ भन्ने दोस्रो पाठ हो । सलाहा घाइते भइसकेपछि आफ्ना अन्य सबल पक्ष परिचालन गर्न इजिप्ट असफल भयो । बरु, खेलका सबै योजना सलाहालाई मात्र केन्द्रमा राखेर बनाइयो ।

निकै बलिया टोलीसँग खेल्दा पनि टोलीले रणनीति बनाउन ढिलो गरिरहेको थियो । टोलीका म्यानेजरसमेतले सही रणनीति बनाउन नसक्दा खेलमा झनै खराब नतिजा देखियो । तेस्रो पाठ भनेको पाएको अवसरलाई सफल बनाउने हो ।

यस वल्र्डकपको अन्तिम खेलमा साउदी अरेबियासँग २–१ गोलअन्तरले पराजित भएसँगै इजिप्ट बाहिरियो । विपक्षीका दुवै गोल दुवै ‘हाफ’को अन्त्यतर्फ खाएको देखिन्छ । खेल अन्तिम चरणमा पुग्दै गर्दा त टोलीको ध्यान नै भताभुंग भएको थियो ।

जर्मनीले पनि दक्षिण कोरियाको खेलमा यस्तै गल्ती गरेको थियो । यस्तो गल्ती न फुटबलमा उपयुक्त हुन्छ, न त नीति निर्माण वा बिजनेसमा हुन्छ । तसर्थ, अन्तिम घडीसम्म संयमित भएर लाग्नुपर्छ । अन्ततः इजिप्टको खेल अनुभवबाट अन्तर्राष्ट्रिय चहलपहलले घरेलु पुँजी तथा स्रोतको बढावाका लागि महत्वपूर्ण भूमिका खेल्न सक्छ भन्ने पाठ सिक्न सकिन्छ ।

सलाहाजस्ता प्रभावशाली खेलाडीले प्रतिस्पर्धात्मक विदेशी लिगमा खेल्न पाउँदा उनीहरूको खेल सीप झनै खारिन्छ । यस्तो अवसर सम्बन्धित खेलाडीको राष्ट्रिय टोली तथा विश्व प्रतिस्पर्धा बढाउन पनि महत्वपूर्ण हुन्छ ।

फुटबलका शक्तिराष्ट्र मानिने अर्जेन्टिना, ब्राजिल, फ्रान्स, जर्मनी, इटाली र स्पेनजस्ता देशको खेल स्तर खस्किरहँदा नयाँ देश उदीयमान शक्तिका रूपमा देखा परिरहेका छन् । यसर्थ, इजिप्टका यस्ता अनुभवबाट प्राप्त पाठलाई अन्य देशले पनि आत्मसात् गर्न जरुरी छ ।

(मोहम्मद युरोपेली वित्तीय परामर्श सेवा प्रदायक संस्था एलियान्जका प्रमुख आर्थिक परामर्शदाता हुन्)
कपिराइट : प्रोेजेक्ट सिन्डिकेट, २०१८
नयाँ पत्रिका र प्रोजेक्ट सिन्डिकेटको सहकार्यमा