काठमाडौं। राजसंस्थाको पुनःस्थापनाका लागि गरिएको प्रदर्शन हिंसात्मक बनेपछि राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र, महामन्त्री धवलशमशेर राणा र स्वागत नेपाललाई प्रहरीले पक्राउ गरेको छ।
नेपाल प्रहरीका प्रवक्ता दिनेशकुमार आचार्यका अनुसार मिश्र र राणालाई सातदोबाटो तथा नेपाललाई पुतलिसडकबाट नियन्त्रणमा लिइएको हो। उनीहरू शुक्रबार तिनकुनेमा भएको राजावादी प्रदर्शनको अगुवाइ गर्दै थिए।
धवलशमशेर राणाको नेतृत्वमा १ हजार १११ सदस्यीय जनआन्दोलन परिचालन समिति गठन गरिएको थियो, जसअन्तर्गत शुक्रबारको प्रदर्शन गरिएको थियो। प्रहरीका अनुसार हिंसात्मक घटनाको अनुसन्धानका लागि उनीहरूलाई पक्राउ गरिएको हो।
प्रदर्शनका क्रममा भएको झडपमा एक पत्रकारसहित दुईजनाको मृत्यु भएको छ भने निजी तथा सरकारी सम्पत्तिमा समेत क्षति पुगेको छ। घटनाबारे थप अनुसन्धान भइरहेको प्रहरीले जनाएको छ।
सम्बन्धित शीर्षकहरु
