काठमाडौं जिल्ला प्रशासन कार्यालयले तीनकुने क्षेत्रमा लगाइएको कर्फ्यु आदेश स्थगन गरेको छ। शुक्रबार जारी गरिएको सार्वजनिक सूचनामा प्रशासनले कर्फ्यु हटाइएको जानकारी दिएको हो।
यसअघि शुक्रबार दिउँसो ४:२५ बजेबाट राति १० बजेसम्मका लागि कर्फ्यु आदेश जारी गरिएको थियो, जुन पछि लम्ब्याएर शनिबार बिहान ७ बजेसम्म पुर्याइएको थियो। स्थिति अझै सहज नभएकाले कर्फ्युको अवधि बढाइएको भए पनि अहिले प्रशासनले आदेश हटाएको जनाएको छ।
स्थानीय प्रशासन ऐन, २०२८ को दफा ६ अनुसार बानेश्वर तीनकुने क्षेत्र, गौशालादेखि एयरपोर्ट, गैरीगाउँ, तीनकुने हुँदै कोटेश्वर, कोटेश्वरदेखि जडीबुटी पुल, कोटेश्वरबाट बालकुमारी पुल, बानेश्वर चोकदेखि शंखमुल पुल र गौशाला चोकदेखि पुरानो बानेश्वर हुँदै नयाँ बानेश्वर चोकसम्म लागू गरिएको कर्फ्यु हटाइएको प्रशासनको सूचनामा उल्लेख छ।
सम्बन्धित शीर्षकहरु
