काठमाडौं – अब मोबाइल बैंकिङ, वालेट तथा कनेक्ट आईपीएसबाट ५०० रुपैयाँसम्मको रकम ट्रान्सफर गर्दा कुनै पनि शुल्क लाग्ने छैन। नेपाल क्लियरिङ हाउस (एनसीएचएल) ले बुधबार एक सूचना जारी गर्दै रिटेल पेमेन्ट स्विच (आरपीएस) प्रणालीमा लाग्ने शुल्क परिमार्जन गरेको जानकारी दिएको छ।
नयाँ व्यवस्थाअनुसार मोबाइल बैंकिङ, कनेक्ट आईपीएसको मोबाइल एप तथा वेबसाइट, साथै वालेटमा रकम राख्दा वा झिक्दा ५०० रुपैयाँसम्म कुनै शुल्क लाग्ने छैन। तर, ५०० रुपैयाँभन्दा माथिको ट्रान्सफरमा शुल्क लाग्नेछ।
शुल्क दर निम्नानुसार तोकिएको छ:
५०० रुपैयाँदेखि ५,००० रुपैयाँसम्म: ४ रुपैयाँ
५,००० रुपैयाँभन्दा माथि: ८ रुपैयाँ
यस्तै, मर्चेन्ट भुक्तानीमा पनि शुल्क लाग्ने व्यवस्था गरिएको छ:
५०० रुपैयाँसम्म: २ रुपैयाँ
५०० देखि ५,००० रुपैयाँसम्म: ४ रुपैयाँ
५,००० रुपैयाँभन्दा माथि: ८ रुपैयाँ
तर, सेवाप्रदायक तथा मर्चेन्टले शुल्क व्यहोरेका कारोबारमा ग्राहकलाई कुनै अतिरिक्त शुल्क लाग्ने छैन। साथै, तोकिएको शुल्कमा १३ प्रतिशत भ्याट पनि समावेश हुने एनसीएचएलले जनाएको छ।
सम्बन्धित शीर्षकहरु
