काठमाडौं – प्रतिनिधिसभाको बैठक आज दिउँसो १ बजे बस्ने भएको छ। संघीय संसद् सचिवालयले तयार पारेको सम्भावित कार्यसूचीअनुसार भूमिसम्बन्धी बाहेक अन्य पाँच अध्यादेश स्वीकृतिका लागि पेस गरिनेछ।
आजको बैठकमा राष्ट्रिय सभाबाट प्राप्त सन्देशसहित नेपाल कानुन व्यवसायी परिषद् ९दोस्रो संशोधन० विधेयक, २०८१ टेबुल गरिनेछ। यसैगरी, सांसद भानुभक्त जोशीले सुशासन प्रवर्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने अध्यादेश, २०८१ अस्वीकार गरियोस् भन्ने सूचना प्रस्तुत गर्नेछन्।
a
त्यसैगरी, प्रधानमन्त्री केपी शर्मा ओलीले उक्त अध्यादेश स्वीकृत गरियोस् भन्ने प्रस्ताव पेश गर्नेछन्। सांसद डा। स्वर्णिम वाग्लेले आर्थिक कार्यविधि तथा वित्तीय उत्तरदायित्व ९पहिलो संशोधन० अध्यादेश, २०८१ अस्वीकार गरियोस् भन्ने सूचना पेश गर्नेछन्, भने उपप्रधान एवं अर्थमन्त्री विष्णुप्रसाद पौडेलले सोही अध्यादेश स्वीकृत गरियोस् भन्ने प्रस्ताव राख्नेछन्।
त्यस्तै, मन्त्री पौडेलले निजीकरण ९पहिलो संशोधन० अध्यादेश, २०८१ स्वीकृत गरियोस् भन्ने प्रस्ताव प्रस्तुत गर्नेछन्, जसलाई नेकपा माओवादीका सांसद माधव सापकोटाले अस्वीकार गरियोस् भन्ने सूचना पेश गर्नेछन्।
यस्तै, सांसद रणेन्द्र बरालीले आर्थिक तथा व्यावसायिक वातावरण सुधार तथा लगानी अभिवृद्धिसम्बन्धी केही नेपाल ऐनलाई संशोधन गर्ने अध्यादेश, २०८१ अस्वीकार गरियोस् भन्ने सूचना दिनेछन्, भने अर्थमन्त्री पौडेलले सोही अध्यादेश स्वीकृत गरियोस् भन्ने प्रस्ताव पेश गर्नेछन्।
सांसद डा। चन्दा कार्कीले सहकारीसम्बन्धी केही नेपाल ऐनलाई संशोधन गर्ने अध्यादेश, २०८१ अस्वीकार गरियोस् भन्ने सूचना प्रस्तुत गर्नेछन्, भने भूमि व्यवस्था, सहकारी तथा गरिबी निवारण मन्त्री बलराम अधिकारीले सोही अध्यादेश स्वीकृत गरियोस् भन्ने प्रस्ताव राख्नेछन्।
सम्बन्धित शीर्षकहरु
