काठमाडौं । एसिसी प्रिमियर कपअन्तर्गत नेपालले समूह ‘ए’ को अन्तिम खेलमा कतारसँग प्रतिस्पर्धा गरिरहेको छ। कीर्तिपुरस्थित त्रिवि मैदानमा नेपालले कतारविरुद्ध टस हारेर पहिले ब्याटिङ गरिरहेको छ।
चार ओभर चल्दै गर्दा दुई विकेट गुमाएको नेपालले १६ औं ओभरमा चौथो विकेट पनि गुमाएको छ। ओपनर कुशल भुर्तेल दोस्रो ओभरमा २ रनमा आउट भए भने भीम सार्की चौथो ओभरको तेस्रो बलमा ६ रनमा आउट भए।
रोहित पौडेल २७ रनमा पेभिलियन फर्कदा आसिफ सेख १९ रनमा आउट भएका छन् । कुशल मल्ल ३ रनमा आट भए । अहिले क्रिजमा आरिफ सेख र सोमपाल कामी छन् ।
समूह चरणमा अपराजित नेपालले पहिलो खेलमा मलेसिया र दोस्रो खेलमा ओमानलाई पराजित गरेको थियो।
नेपाल र साउदी अरेबियाबीचको मुलपानी मैदानमा तय भएको तेस्रो खेल वर्षाका कारण रद्द भएको थियो। रद्द भएर अंक जोडेसँगै नेपाल सेमिफाइनलमा पुगेको थियो।
सम्बन्धित शीर्षकहरु
