फिफा विश्वकप २०२२ अन्र्तगत अन्तिम १६ को खेलमा अष्ट्रेलियामाथि पहिलो हाफमा अर्जेन्टिनाले १–० गोलको अग्रता लिएको छ।
खेलको ३५ औं मिनेटमा अर्जेन्टिनाका लियोनेल मेस्सीले गोल गर्दै अग्रता दिलाएका थिए।
कतारको अहमद बिन अलि स्टेडियममा जारी खेलमा जित निकाल्दै अर्जेन्टिना क्वार्टरफाइनलमा पुग्ने याेजनामा छ । अष्ट्रेलिया भने अर्जेन्टिनामाथि ऐतिहासिक जित हात पार्दै क्वार्टरफाइनल यात्रा तय गर्न चाहन्छ ।
अर्जेन्टिना समूह सीको विजेता टोली हो भने अष्ट्रेलिया समूह डीको उपविजेता हुँदै विश्वकपको अन्तिम १६ मा पुगेको हो।
जारी विश्वकपमा यो मेस्सीको तेस्रो गोल हो । उनले यसअघि समूहचरणको पहिलो खेलमा साउदी अरेबिया र दोस्रो खेलमा मेक्सिकोसँग समान १ गोल गरेका थिए।
सम्बन्धित शीर्षकहरु
