नवलपुर । नेपाल प्रेस युनियन नवलपुर शाखाले केन्द्रीय अध्यक्ष शिव लम्सालसहित पाँच जनालाई सम्मान गरेको छ ।
युनियनको हेटौंडामा हालै सम्पन्न नबौं अधिवेशनबाट निर्बाचित अध्यक्ष लम्साल, उपाध्यक्ष नकुल अर्याल, केन्द्रिय सदस्य घनश्याम बगाले, कृष्णकुमारी ढकाल र पत्रकारिता बिधामा बिद्यावारिधी उपाधी प्राप्त गर्ने डा. भुमिराज चापागाईंलाई शाखाले सम्मान गरेको हो ।
सम्मान कार्यक्रममा नेपाली कांग्रेसका केन्द्रीय सदस्य डा. शंशाक कोइराला लगायत अन्य नेताहरुको पनि उपस्थिती रहेको थियो ।
सम्मान कार्यक्रममा बोल्दै अध्यक्ष लम्सालले नेपाल प्रेस युनियन सदैव श्रमजीवी पत्रकारहरुको पक्षमा रहेको बताउनुभयो । उहाँले श्रमजीवी पत्रकारहरुको हक अधिकारको पक्षमा निरन्तर लड्ने भन्दै यसका बिरुद्ध कसैसँग सम्झौता नगर्ने प्रतिबद्धता व्यक्त गर्नुभयो ।
प्रेस युनियन नेपाली कांग्रेसको शुभेच्छुक संस्था भएको भन्दै अध्यक्ष लम्सालले युनियनमा आबद्ध पत्रकारलाई स्वतन्त्र तवरले काम गर्न काँग्रेसले छुट दिनु पर्ने बताउनुभयो । उहाँले युनियनलाई पार्टीको नभई पत्रकारहरुको संस्था बनाउने प्रतिबद्धता ब्यक्त गर्नुभयो ।
सम्बन्धित शीर्षकहरु
