पर्वत । पर्वतको कुश्मा नगरपालिकाको मतगणना बिहान १० बजेबाट सुरु हुने भएको छ । भर्खरै सम्पन्न सर्वदलीय बैठकले १० बजेबाट मतगणना गर्ने सहमती जुटाएको हो ।

शुक्रबार सम्पन्न स्थानीय तह निर्वाचनमा कुश्मा नगरपालिकामा २० हजार ६ सय ८१ मत खसेको थियो । १४ वडा रहेको कुश्मा नगरपालिकामा ३१ हजार ३ सय ३१ मतदाता रहेका छन् ।

पर्वत जिल्लामा दुई नगरपालिका सहित सात वटा स्थानीय तह रहेका छन् । सबै पालिकामा हिजो शान्त वातावरणमा निवार्चन सम्पन्न भएको र हिजो साँझ नै मतपेटिका गणनास्थलमा ल्याइएको निर्वाचन कार्यालयले जनाएको छ ।

पर्वतका अन्य स्थानीय तहमा पनि आजैबाट मतगणना गर्ने तयारी भइरहेको छ । मतगणनका लागि सबै स्थानीय तहमा हाल सर्वदलीय बैठक बसिरहेको छ ।