काठमाडाैं । च्याम्पियन्स लिग फुटबलमा बुधबार राति भएकाे खेलमा म्यानचेस्टर युनाइटेडले जित निकालेको छ । भिल्लारियलविरुद्धको खेलमा एक गोलले पछि परेको अवस्था उल्ट्याएर युनाइटेडले २–१ को जित निकालेको हो ।
५३ औँ मिनेटमा पाको अल्कासेरले गोल गरी भिल्लारियललाई सुरुवाति अग्रता दिलाएका थिए । ६० औँ मिनेटमा ब्रुनो फेर्नान्डेसको सहयोगका एलेक्स टेल्सले युनाइटेडका लागि बराबरी गोल गरे । दुवै टिमले त्यसअघि र पछि गोल गर्ने राम्रा मौका बनाए पनि सफल हुन सकेनन् ।
९५ औँ मिनेटमा जेसी लिंगार्डको सहयोगमा रोनाल्डोले गोल गरी युनाइटेडलाई महत्वपूर्ण जित दिलाए ।
रोनाल्डोले च्याम्पियन्स लिगमा कीर्तिमानसमेत बनाएका छन् । पोर्चुगिज फरवार्ड रोनाल्डोले सर्वाधिक धेरै च्याम्पियन्स लिग खेल्ने खेलाडीको कीर्तिमान बनाएका हुन् ।
भिल्लाविरुद्धको खेल रोनाल्डोका लागि १ सय ७८औँ च्याम्पियन्स लिग खेल हो । रोनाल्डोले इकर क्यासिलासको कीर्तिमान तोडेका हुन् । रियल मड्रिडका पूर्व गोलकिपर इकरले १ सय ७७औँ च्याम्पियन्स लिग खेलेका छन् ।
सम्बन्धित शीर्षकहरु
