काठमाडाैं । आइतबार काठमाडौं उपत्यकामा ५६६ जनामा काेराेना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं जिल्लामा ३९५, भक्तपुरमा ११० र ललितपुरमा ६१ जनामा संक्रमण पुष्टि भएको हो ।
हाल काठमाडौं जिल्लामा ७ हजार ४२० सक्रिय संक्रमित छन् । त्यस्तै, भक्तपुरमा १ हजार ४ सय र ललितपुरमा २ हजार २ सय १८ सक्रिय संक्रमित छन् ।
काठमाडौं जिल्लामा मात्र अहिलेसम्म २ हजार ५५ ले कोरोनाबाट ज्यान गुमाएका छन् । त्यस्तै, भक्तपुरमा ४०४ र ललितपुरमा ६२९ जनाको कोरोनाबाट ज्यान गएकाे छ ।
मन्त्रालयका अनुसार हाल ५ सयभन्दा बढी सक्रिय संक्रमित रहेका जिल्लाको संख्या २२ रहेको छ ।
आइतबार देशभर १ हजार ९२० जना कोरोना संक्रमित थपिएका छन् । मन्त्रालयका अनुसार पछिल्लो २४ घण्टामा १२ हजार ५१६ जनाको नमुना परीक्षण गर्दा १ हजार ९२० जनामा संक्रमण पुष्टि भएको हो ।
सम्बन्धित शीर्षकहरु
