काठमाडौं । पछिल्लो २४ घण्टामा नेपालमा थप २ हजार ७५ जनामा कोरोना संक्रमण पुष्टि भएको छ । यही अवधिमा थप २ हजार ३८२ जना जना संक्रमित निको भएका छन् ।
जम्मा १३ हजार ७५ जनाको कोरोना परीक्षण गर्दा पीसीआर विधिबाट १ हजार ४२४ र एन्टीजेन विधिबाट ६५१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
नेपालमा हाल सक्रिय सङ्क्रमितको सङ्ख्या ३९ हजार ३२१ रहेको छ ।
नेपालमा हालसम्म कूल सङ्क्रमितमध्ये ६ लाख ९५ हजार ९२५ जना सङ्क्रमणमुक्त भइसकेका छन् । नेपालमा काेराेना संक्रमण निको हुने दर ९३.३ प्रतिशत रहेको छ ।
यही अवधिमा थप ३० जनाले संक्रमणका कारण ज्यान गुमाएका छन् । नेपालमा हालसम्म १० हजार ४८५ जनाले कोराेना संक्रमणका कारण ज्यान गुमाइसकेका छन् ।
सम्बन्धित शीर्षकहरु
