काठमाडौं । शनिबारदेखि लगातार तीन दिन सार्वजनिक बिदा हुने भएको छ । आइतबार रक्षाबन्धन र सोमबार गाइजात्रा भएकाले शनिबारसहित गरी तीन दिन सार्वजनिक बिदा हुन लागेकाे हाे ।
सरकारले यसअघिका वर्षहरुमा गाइजात्राको अवसरमा काठमाडौं उपत्यकामा मात्र बिदा दिने भए पनि यस वर्ष देशभर बिदा दिने निर्णय गरेको छ । मन्त्रिपरिषद्को बिहीबार बसेको बैठकले गाइजात्राको अवसरमा देशभर बिदा दिने निर्णय गरेको हो ।
यसैगरी मन्त्रिपरिषद्को बिहीबार नै बसेकाे बैठकले कृष्ण जन्माष्टमीमा पनि सार्वजनिक बिदा दिने निर्णय गरेकाे छ । कृष्ण जन्माष्टमी भदौ १४ गते परेकाे छ ।
केपी शर्मा ओली प्रधानमन्त्री रहेकाे अघिल्लाे सरकारले वर्षभरीमा केही बिदा कटाैती गरेकाे भए पनि शेरबहादुर देउवा प्रधानमन्त्री रहेकाे अहिलेकाे सरकारले बिदा थप गरेकाे हाे ।
सम्बन्धित शीर्षकहरु
