काठमाडौं । पछिल्लो २४ घण्टामा नेपालमा तीन हजार ४२ जना कोरोना संक्रमित थपिएका छन् । स्वास्थ्य मन्त्रालयका अनुसार १७ हजार ६५४ जनामा परीक्षण गर्दा उक्त संख्यामा संक्रमित फेला परेका हुन् ।
यही अवधिमा संक्रमणका कारण २६ जनाले ज्यान गुमाएका छन् भने २२ सय ४४ जना संक्रमणमुक्त भएका छन् ।
नेपालमा पीसीआर परीक्षणबाट कुल संक्रमितको संख्या ७ लाख ४४ हजार ३०७ पुगेको छ भने एन्टिजेन विधिबाट भएको परीक्षणमा ७९ हजार ३४० जनामा संक्रमण पुष्टि भएको छ ।
संक्रमितमध्ये ६ लाख ९३ हजार ५४३ जना संक्रमणमुक्त भएका छन् । हालसम्म ज्यान गुमाउनेकाे संख्या १० हजार ४५५ पुगेको छ ।
अहिले देशभर ४० हजार ३०९ जना सक्रिय संक्रमित रहेका छन् ।
सम्बन्धित शीर्षकहरु
