काठमाडाैं । पछिल्लो २४ घण्टामा थप २ हजार ६२४ जनामा कोरोना भाइरसको संक्रमण पुष्टि भएको छ । शनिबार १३ हजार ५७३ जनामा कोरोना परीक्षण गर्दा उक्त संख्यामा संक्रमित फेला परेकाे स्वास्थ्य तथा जनसंख्या मन्त्रालयले जनाएकाे छ ।
पछिल्लो २४ घण्टामा ८ हजार ६६७ जनाको पिसिआर परीक्षणमा १ हजार ९४७ जना र ४ हजार ९०६ जनाको एन्टिजेन परीक्षणमा ६ सय ७७ जना संक्रमित भेटिएका हुन् ।
यही अवधिमा १ हजार ३२० जना कोरोना संक्रमणबाट मुक्त भएका छन् । थप २० जनाले ज्यान गुमाएका छन् । अहिलेसम्म ६ लाख ८० हजार ८१५ जना कोरोना मुक्त भएका छन् भने ज्यान गुमाउनेकाे संख्या १० हजार २५९ पुगेको छ ।
उपत्यकामा कोरोना भाइरसको सक्रिय संक्रमितको संख्या ११ हजार ८८८ पुगेको छ । स्वास्थ्य तथा जनसंख्या मन्त्रालयको शनिबारको तथ्यांकमा काठमाडौंमा ८ हजार ५७९, ललितपुरमा १९१८, भक्तपुरमा १३९१ सक्रिय संक्रमित रहेका छन् ।
सम्बन्धित शीर्षकहरु
