काठमाडाैं । पछिल्लो २४ घण्टामा नेपालमा थप ३२६० जनामा कोरोनाभाइरस संक्रमण पुष्टि भएको छ । बिहीबार १५ हजार ४६२ जनामा कोरोना परीक्षण गर्दा उक्त संख्यामा संक्रमण पुष्टि भएको हो ।
१० हजार ८०६ जनामा गरिएकाे पीसीआर परीक्षणमा २ हजार ४७३ जना र ४ हजार ४५६ जनामा गरिएकाे एन्टिजेन परीक्षणमा ७८७ जना संक्रमित फेला परेका हुन् ।
यही अवधिमा २२९४ जना संक्रमणमुक्त भएका छन् भने ३२ जनाले ज्यान गुमाएकाे स्वास्थ्य तथा जनसंख्या मन्त्रालयले जनाएकाे छ ।
देशभर कोरोना संक्रमितको कुल संख्या पीसीआर विधिबाट ७ लाख २५ हजार ७६९ जना पुगेको छ भने एन्टिजेन विधिबाट ७२ हजार ८८२ जना पुगेको छ । संक्रमितमध्ये ६ लाख ७७ हजार ३७७ संक्रमणमुक्त भएका छन् भने १० हजार २१२ जनाको मृत्यु भएको छ ।
हाल देशभर सक्रिय संक्रमितको संख्या ३८ हजार १८० रहेको मन्त्रालयले जनाएकाे छ ।
सम्बन्धित शीर्षकहरु
