काठमाडौं । नेपालमा थप ३१०६ जनामा कोरोना संक्रमण पुष्टि भएको छ । पछिल्लो २४ घण्टामा १३५१९ वटा स्वाब नमुनाको परीक्षण गरिएकोमा ३१०६ जनाको नतिजा पोजिटिभ आएको स्वास्थ्य तथा जनसंख्या मन्त्रालयले जनाएकाे हाे ।
९ हजार २६३ जनाको पीसीआर परीक्षण गर्दा २ हजार २८० र ४ हजार २५६ जनाको एन्टिजन परीक्षण गर्दा ८२६ जनामा कोरोना देखिएको हाे ।
पछिल्लो २४ घण्टामा कोरोनाका कारण २३ जनाले ज्यान गुमाएका छन् । नेपालमा कोरोनाका कारण ज्यान गुमाउनेकाे संख्या ९ हजार ८५७ पुगेको छ ।
पछिल्लो २४ घण्टामा देशभर एक हजार ९१६ जना निको भएका छन् । नेपालमा कोरोनामुक्त हुनेको संख्या ६ लाख ५४ हजार १७७ पुगेको छ । हाल देशभर सक्रिय संक्रमितको संख्या ३१ हजार ३५५ रहेको मन्त्रालयले जनाएको छ ।
सम्बन्धित शीर्षकहरु
